कप्तान भरत खवासको गोल निर्णायक

काठमाडौं । एन्फा कम्प्लेक्स सातदोबाटोमा जाउलाखेल युथ क्लबलाई पराजित गर्दै त्रिभुवन आर्मी क्लब शहीद स्मारक ए डिभिजन लिगको शीर्ष स्थानमा फर्किएको छ । मंगलबार आर्मीले जाउलाखेललाई १(० ले पराजित गर्दै पुरानै स्थानमा फर्किएर उपाधि होड बलियो बनाएको हो ।

भरत खवासले ७४ औं मिनेटमा गोल गरे । सन्तोष तामाङको लामो क्रसमा पेनाल्टी बक्सबाट भरतले उत्कृष्ट गोल गरेका थिए । यस सिजन छैटौं जीत हात पारेको आर्मीले ९ खेलबाट २० अंक जोडेर मछिन्द्रलाई १ अंकले पछि पारेको छ । आर्मीले ९ मध्ये ६ खेल जित्दा २ खेल बराबरी खेलेको थियो । आर्मी यस सिजन मनाङ मर्स्याङ्दीसंग मात्र पराजित भएको छ । समान खेलबाट १९ अंकसहित मछिन्द्र दोस्रो स्थानमा छ ।