२१ खेल खेलेको रियल ४६ अंक सहित तालिकाको शीर्ष स्थानमा

एजेन्सी । भालाडोलीडको घरेलु मैदानमा भएको खेलमा रियल मड्रिड ला लिगाको शीर्ष स्थानमा उक्लेको छ । आज भएको खेलमा रियलले रियल भालाडोलीडलाई १–० गोल अन्तरले पराजित गरेको हो ।

सोमबार भएको खेलामा रियललाई जित दिलाउन नाचोले एकमार्त निर्णायक गोल गरेका हुन् । खेलको ७८ औँ मिनेटमा नाचोले गरेको गोल नै खेलको निर्णायक गोल बनेको थियो ।
जितसँगै रियलले लिगमा तीन अंकको अग्रता बनाएको छ । २१ खेल खेलेको रियल ४६ अंक सहित तालिकाको शीर्ष स्थानमा छ । दोस्रो स्थानको बार्सिलोनाको ४३ अंक छ । पराजित भालाडोलीडको २२ अंक छ । भालाडोलीड १६ औँ स्थानमा छ ।