पछिल्लो विकसित राजनीतिक घटनाक्रमलाई कार्टुनमार्फत व्यङ्ग्य
काठमाडौं । देशभक्त जनगणतान्त्रिक मोर्चाले कार्टुन प्रदर्शन गरी सरकारको विरोध गरेको छ । बिहीबार मोर्चाले काठमाडौंको शान्तिवाटिकामा संसद विघटनपछिको विकसित राजनीतिक घटनाक्रमलाई व्यङ्ग्य गर्दै तयार पारिएका विभिन्न कार्टुनमार्फत सरकारको विरोध गरेको हो ।
मोर्चाका संयोजक सीपी गजुरेलले संसदीय पार्टीका नेताहरुको चरित्र र अहिलेको गणतन्त्रलाई कार्टुनमार्फत देखाइएको बताए । प्रदर्शनीमा राखिएका कार्टुनले देशमा परिवर्तन आउन नसकेको, राष्ट्रिय स्वाधिनताको रक्षा हुन नसकेको देखाइएको गजुरेलले बताए ।
