पुजारी हत्याको आरोपमा पक्राउ परेका दुई जना सार्वजनिक
काठमाडौं । रौतहटको हनुमान मन्दिरका पुजारी श्रीराम साहको हत्या आरोपमा पक्राउ परेका दुईजनालाई प्रहरीले बुधबार सार्वजनिक गरेको छ । हत्यामा संलग्न रहेको आरोपमा पक्राउ परेका नरेश राउत पटेल र बालकुमार पटेललाई प्रहरीले सार्वजनिक गरेको हो । पुजारीले आफ्नो रकम फिर्ता मागेपछि हत्या गरिएको प्रारम्भिक अनुसन्धानबाट खुलेको छ ।
प्रदेश दुईका डीआईजी धिरजप्रताप सिंहका अनुसार उनीहरुले कटुवा पेस्तोल प्रहार गरी पुजारीको हत्या गरेका थिए । अनुसन्धानको क्रममा नरेश पटेलका बुवाले पुजारीसँग रकम ब्याजमा लिएको र रकम तिर्ने क्रममा विवाद भएको खुलेको छ । प्रहरीले घटनामा संग्लन अन्यको खोजी कार्य जारी रहेको जनाएको छ ।
