पहिरोमा पुरिएर बागलुङमा चार जनाको मृत्यु
बागलुङ । अबिरल वर्षासंगै गएको पहिरोमा पुरिएर बागलुङमा ४ जनाको मृत्यु भएको छ । बागलुङको तमानखोला गाउँपालिका वडा नम्बर २ को खौलेसुमाङमा पहिरोले घर पुरिंदा ३ जना वालवालिका र १ जना महिलाको मृत्यु भएको हो ।
मृत्यु हुनेमा स्थानीय पानबहादुर बिकका १३ वर्षीय छोरा र ११ वर्षीया छोरी रहेको जिल्ला प्रहरी कार्यालय बागलुङका प्रहरी नायव उपरिक्षक राजेन्द्र रेग्मीले जानकारी दिए। यसैगरी निसिखोला गाउपालिका वडा नम्बर १ मा घर पुरिदा स्थानीय कमल परियारका ३ वर्षीय छोराको मृत्यु भएको छ ।
निसिखोला गाउपालिकाकै वडा नम्वर ६ को खोला किनारमा ५२ वर्षीया महिला मृत फेला परेको पनि प्रहरीले जनाएको छ ।
