कोरोना संक्रमणबाट वीरगंजमा थप एक जनाको मृत्यु

वीरगंज । कोरोना संक्रमणबाट पर्सामा फेरि थप एक जनाको मृत्यु भएको छ । नारायणी अस्थायी कोरोना अस्पतालमा उपचार गराइरहेकी वीरगन्ज महानगरपालिका– ११ की ८५ वर्षीया महिलाको मृत्यु भएको हो । मुटु रोगी ती महिला हाल निमोनिया भएर अस्पताल आएकी थिइन् । उनको बुधबार कोरोना पोजेटिभ देखिएको थियो ।

उनको आइसियुमा उपचारका क्रममा शुक्रबार बिहान मृत्यु भएको नारायणी अस्पतालका मेडिकल सुपरिटेन्डेन्ट डा. मदनकुमार उपाध्यायले जानकारी दिए । गत मंगलबार कोरोना अस्पतालमै उपचार गराइरहेका वीरगन्ज– ६ माईस्थानका ७० वर्षीय वृद्धको पनि कोरोना संक्रमणबाट मृत्यु भएको थियो ।