बढ्यो काठमाडौंमा सवारी चाप

काठमाडौं । गत चैत ११ गतेदेखि लागू भएको लकडाउन बुधबारबाट औपचारिक रुपमा अन्त्य भएपछि काठमाडौं उपत्यकाका सडकमा सवारी चाप बढेको छ । चार महिने लामो लकडाउन अन्त्य गर्दै सरकारले अधिकांश क्षेत्रलाई खुल्ला गरेपछि काठमाडौंमा सवारी चाप बढेको हो । सवारी साधन सञ्चालनमा लागू भएको जोर विजोर प्रणाली पनि हटेको छ । त्यसैले काठमाडौं उपत्यकाका मुख्य सडकहरुमा सवारी चाप बढेको छ । सवारी चाप बढेपछि ट्राफिक प्रहरीले चोक चोकमा चालकहरुलाई मास्क लगाउन आग्रह गरेको छ ।

अधिकांश क्षेत्र खुलेपछि जनजीवन समान्य रुपमा फर्कन थालेको छ । सडकमा निजी तथा सार्वजनिक सवारी सधानहरु बाक्लो संख्यामा देखिएका छन् भने चोकमा ट्राफिक जाम देखिएको छ । जनजीवन समान्य बनाउन लकडाउन खोले पनि संक्रमणको जोखिम कायम नै रहकोले सतर्क रहन सरकारले आग्रह गरेको छ।