गुण्डा नाइके रमेश बाहुनलाई दश वर्ष कैद र ७५ हजार जरिवानाको फैसला
काठमाडौं । रमेश बाहुन भनेर चिनिने गुण्डा नाइके सुजन पौडेललाई अदालतले १० वर्ष कैद र ७५ हजार रुपैयाँ जरिवानाको फैसला गरेको छ । काठमाडौं जिल्ला अदालतका न्यायाधीश नवराज दाहालको इजलासले उनलाई यस्तो सजायको फैसला गरेको हो ।
अदालतका स्रेस्तेदार आनन्दप्रसाद श्रेष्ठले पूर्पक्षका लागि कारागारमा रहेका पौडेललाई पक्राउ गरेको मितिले १० वर्ष कैद र ७५ हजार रुपैयाँ जरिवानाको फैसला भएको जानकारी दिए ।
प्रहरीले पौडेललाई लागूऔषध खैरो हेरोइन र कटुवा पेस्तोलको गोलीसहित १० असार २०७१ मा काठमाडौं कलंकीबाट पक्राउ गरेको जानकारी दिएको थियो ।
