केकी अधिकारी अभिनित भोजपुरी गीत ‘हमनिके भागिया’
काठमाडौँ । भोजपुरी लोकप्रिय गायिका इन्दु सोनालीको सुमधुर स्वरमा भोजपुरी गित ‘हमनिके भागिया’ को म्युजिक भिडियो सार्वजनिक भएको छ । दर्जनौ चर्चित भोजपुरी गीतहरुमा आफ्नो जादुमय आवाज भर्न सफल गायिका इन्दु सोनाली बलिउडमा समेत प्रख्यात छिन् ।
उपेन्द्र सहानीको शब्दमा सुप्रसिद्ध संगीतकार शिखर सन्तोषको संगीत रहेको भोजपुरी गीत ‘हमनिके भागिया’ को म्युजिक भिडियोलाइ आलोक शुक्लाले छायांकन गरेका हुन् भने निर्देशक पुर्णेन्द्रु झाले निर्देशन गरेका छन् । भिडियोमा लोकप्रिय नायिका केकी अधिकारी र विजय यादव निर्जिवको सशक्त अभिनय रहेको छ भने म्युजिक भिडियोको परिकल्पनाकार तथा निर्माता प्रभु शाह रहेका छन् । संगीतकार शिखर सन्तोषले चर्चित भोजपुरी चलचित्र, दर्जनौ भोजपुरी गित तथा बलिउडका चर्चित गायक गायिकाहरुको लागि संगीत भरिसकेका छन् ।
