तपाईंहरूको यति धेरै मायाले कोरोनालाई जित्न सक्नेछु भन्ने आत्मबल मिलेको छः विनोद चौधरी
काठमाडौं । उद्योगपति विनोद चौधरीले कोरोना संक्रमण पुष्टि भएपछिका यी दुई दिनमा हरेक माध्यमबाट उत्प्रेरणा दिनुहुने सम्पूर्ण महानुभावप्रति आफू अनुग्रहित रहेको बताएका छन् ।
सामाजिक संजाल फेसबुकमार्फत चौधरीले तपाईंहरूको अपार माया देखेर आफू भावुक भएको भएको बताएका छन् उनले आफू अहिले घरमै आइसोलेसनमा बसेको तर कोरोनाका कुनै लक्षण नदेखिएको उल्लेख गरेका छन् ।
चौधरीले लेखेका छन्, ‘कोरोना संक्रमण पुष्टि भएपछिका यी दुई दिनमा हरेक माध्यमबाट उत्प्रेरणा दिनुहुने सम्पूर्ण महानुभावप्रति म अनुग्रहित छु । तपाईंहरूको अपार माया देखेर म भावुक भएको छु । अहिलेसम्म ममा कोरोनाका कुनै लक्षण देखिएका छैनन् । घरमै आइसोलेसनमा बसिरहेको छु । तपाईंहरूको यति धेरै मायाले कोरोनालाई जित्न सक्नेछु भन्ने आत्मबल मिलेको छ ।’
