पार्टीको भावी कार्यदिशाबारे राप्रपाका तीन अध्यक्षबीच छलफल
काठमाडौं । राष्ट्रिय प्रजातन्त्र पार्टीका तीन अध्यक्षबीच पार्टीलाई क्रियाशील बनाउने विषयमा छलफल भएको छ । बिहीबार बिहान बूढानिलकण्ठस्थित कमल थापाको निवासमा अध्यक्ष त्रय थापा, पशुपतिशम्सेर राणा र डा.प्रकाशचन्द्र लोहनीबीच छलफल भएको हो ।
छलफलमा तीन अध्यक्षबीच जतिसक्दो चाँडो सशक्त ढंगवाट क्रियाशील हुने निर्णय भएको छ । तीन अध्यक्षबीच मुलुकको अवस्था, समसामयिक राजनीति र राप्रपाको भावी कार्यदिशाबारे महत्वपूर्ण छलफल भएको राप्रपाले जनाएको छ ।
