राजेन्द्र महतोको दल निर्वाचन आयोगमा दर्ता, चुनाव चिह्न ग्याँस सिलिण्डर
काठमाडौं । राजेन्द्र महतो नेतृत्वको राष्ट्रिय मुक्ति पार्टी, नेपाल निर्वाचन आयोगमा दर्ता भएको छ । दल दर्ताका लागि गत कात्तिक ९ गते निवेदन दिएकामा मंगलबार आयोगले दल दर्ताको प्रमाणपत्र दिएको अध्यक्ष महतोले जानकारी दिएका छन् ।
लोसपा छाडेपछि महतोले पछिल्लो पटक राष्ट्रिय मुक्ति क्रान्ति गठन गर्दै अभियान चलाएका थिए । सोही अभियानलाई राष्ट्रिय मुक्ति पार्टी नेपाल नामको पार्टी दर्ताका लागि उनले आयोगमा निवेदन दिएका थिए । आयोगले उक्त दललाई ग्यास सिलिण्डर चुनाव चिह्न प्रदान गरेको छ ।
