सोलुखुम्बुमा भिरमा खसेका जर्मन नागरिकको यसरी गरियो उद्दार(फोटोफिचर)
सोलुखुम्बु । सोलुखुम्बुको खुम्बु पासाङल्हामु गाउँपालिकामा बाटो बिराएर भिरमा अड्किएका जर्मन नागरिकलाई प्रहरीले उद्दार गरेको छ ।
खुम्बु पासाङल्हामु गाउँपालिकाको वडा नम्बर ३ टोकटोक र बैंकर बीचको जंगलमा चिप्लिएर भिरमा अड्किएका जर्मन नागरिक ४१ वर्षीय माइकल हेनरिकको प्रहरीले उद्दार गरेको हो ।
सगरमाथा आधार शिविर भ्रमण गरी लुक्लातर्फ फर्कने क्रममा बाटो बिर्सिएर खच्चड हिँड्ने पुरानो बाटोमा हिँड्दा चिप्लिएर उनी भिरमा अड्किएका थिए ।
यो खबर पाएपछि तत्काल प्रहरी चौकी नाचिपाङ (फाग्दिन) बाट गएको प्रहरी टोलीले उनको सकुसल उद्दार गरेको जिल्ला प्रहरी कार्यालय सोलुखुम्बुले जनाएको छ । अहिले उनको अवस्था सामान्य रहेको छ ।
