पोखरामा आयोजित अन्तर्राष्ट्रिय बेलुन महोत्सवमा १५ देशका पाइलट सहभागी(भिडियोसहित)
पोखरा । पोखरामा पहिलो पटक आजदेखि अन्तर्राष्ट्रिय बेलुन महोत्सव सुरु भएको छ । पोखराको साहसिक पर्यटनलाई प्रर्वद्धन गर्न महोत्सव आयोजना गरिएको हो ।
महोत्सवमा १५ देशका पाइलट सहभागी भएका छन् । पुस १७ गतेसम्म सञ्चालन हुने महोत्सवमा एकै पटक १७ वटा बेलुन नेपाली आकाशमा उड्नेछन् ।
बेलुन साहसिक पर्यटकीय गतिविधि गराउने पर्यटकीय प्रडक्ट हो । बेलुन नेपालले सन् २०१८ देखि पोखरामा हट एयर बेलुनमार्फत पर्यटकलाई पोखराको आकासमा सयर गराउँदै आएको छ ।
बेलुन नेपालका अध्यक्ष बिक्रम बाडेले पोखरामा साहसिक खेलकुदको माध्यमबाट पर्यटन प्रर्वद्धन गर्न महोत्सव आयोजना गरिएको बताए । बिहान र बेलुकीको समयमा एकैपटक धेरै बेलुनहरु उड्नेछन् ।
पोखरा पर्यटन परिषद् (पिटिसी) र बेलुन नेपाल प्रालिको संयुक्त आयोजनामा सुरु भएको प्रतियोगिता फेवातालको सिरान क्षेत्रको पामेमा महोत्सव हुनेछ । हट एयर बेलुनमा एकपटकमा ८ जनासम्म पर्यटक उड्न सक्छन् । महोत्सव अवधिमा बिहान ६ देखि ९ बजे र बेलुकी ४ देखि ६ बजेसम्म बेलुन उडान हुनेछ ।
