भक्तपुरमा खोटाङका कुलप्रसाद आचार्यका बाबुछोरा मृत फेला

काठमाडौं । भक्तपुरको बालकोटमा बाबुछोरा मृत भेटिएका छन् । खोटाङ घर भएका ५६ वर्षीय कुलप्रसाद आचार्य र उनका २२ वर्षीय छोरा नवीन मृत भेटिएका जिल्ला प्रहरी परिसर भक्तपुरका एसपी माधव बुढाथोकीले जानकारी दिएका छन् ।

दुई फरक कोठामा बाबुछोराको शव भेटिएको छ । प्रहरीका अनुसार आइतबार राति तीन बाबुछोरा खाना खाएर सुतेका थिए । सोमबार बिहान भने दुईवटा ढोकामा बाहिरबाट ताला लगाएको अवस्थामा बाबुछोराको शव भेटिएको हो ।

उनीहरूसँगै रहेका कुलप्रसादका जेठा छोरा मिलन भने अहिले फरार रहेका छन् । प्रहरीले उनको खोजी सुरु गरेको जनाएको छ ।