स्थानीय तह उपनिर्वाचनमा ३७७ उम्मेदवार कायम(सूचीसहित)
काठमाडौं । निर्वाचन आयोगले स्थानीय तहको उपनिर्वाचनका लागि उम्मेदवारको अन्तिम नामावली प्रकाशन गरेको छ । आयोगले बुधबार साँझ उम्मेदवारको अन्तिम नामावली प्रकाशन गरेको हो ।
आयोगले सार्वजनिक गरेको अन्तिम नामावली अनुसार जिल्ला समन्वय समिति, नगरपालिका र गाउँपालिकाको प्रमुख, उपप्रमुख तथा अध्यक्ष, उपाध्यक्ष र वडा अध्यक्षका लागि उम्मेदवारी दिएका ४१० जनामध्ये ३ जना निर्विरोध निर्वाचित भएको र ३१ जनाले उम्मेदवारी फिर्ता लिएपछि ३७७ जना उम्मेदवारको अन्तिम नामावली प्रकाशन गरेको हो ।
