अवकाश रोक्न माग गर्दै पाँच प्रहरी अधिकारीले दिए सर्वोच्चमा रिट
काठमाडौं । उमेर हदका कारण अवकाशमा जान लागेका नेपाल प्रहरीका पाँच जना प्रहरी अधिकृतले सर्वोच्च अदालतमा रिट दायर गरेका छन् ।
भदौ २६ गतेदेखि अनिवार्य अवकाशमा जा लागेका एआईजी श्याम ज्ञवाली, डीआईजीहरु यज्ञविनोद पोखरेल, राजेशनाथ बास्तोला, केदार ढकाल र प्रहरी निरीक्षक नागेन्द्र ठाकुरले बुधबार सर्वोच्चमा रिट दायर गरेका हुन् । उनीहरूले उमेर हदका कारण अनिवार्य अवकाश हुन लागेको भन्दै त्यसलाई रोक्न अन्तरिम आदेश माग गरेका छन् ।
रिटको बिहीबारलाई पेसी तोकिएको छ । यसअघि नेपाल प्रहरीका डीआईजी विष्णुकुमार केसीसहित २१ जनाले सर्वोच्च अदालतमै ३० वर्षे सेवा अवधि हटाउन माग गर्दै रिट दायर गरेका थिए ।
उनीहरूको पक्षमा सर्वोच्चले अन्तरिम आदेश दिएपछि एआईजी ज्ञवालीसहितका अधिकारीहरू पनि अवकास रोक्न माग गर्दै सर्वोच्च पुगेका हुन् । उक्त आदेशविरुद्ध सरकारले भ्याकेट निवेदन दिएको छ।
