प्रधानमन्त्रीले गरे महाकालेश्वर मन्दिरमा पुजा
काठमाडौं । भारत भ्रमणमा रहेका प्रधानमन्त्री पुष्पकमल दाहाल प्रचण्डले मध्य प्रदेशको उज्जैनमा रहेको महाकालेश्वर मन्दिरमा पूजा गरेका छन् । शुक्रबार दिउँसो मन्दिरमा पुगेका प्रधानमन्त्रीले पूजाआजा गरेका हुन्।
पूजामा भ्रमण दलमा रहेका सरकारका अन्य मन्त्रीहरू पनि सहभागी थिए । प्रधानमन्त्री प्रचण्डले पत्नीको स्वास्थ्य लाभको कामना गर्दै महाकालेश्वर मन्दिरमा १०० रुद्राक्ष र ५१ हजार रुपैयाँ दान गरेका छन् । प्रधानमन्त्री नयाँदिल्लीबाट मध्य प्रदेश पुगेका थिए। इन्दोरमा प्रधानमन्त्री प्रचण्डलाई मध्य प्रदेशका मुख्यमन्त्री शिवराज सिंह चौहानले स्वागत गरेका थिए।
