नेपालमा बर्डफ्लू संक्रमण पुष्टि
काठमाडौं । नेपालमा बर्डफ्लू देखिएको छ । काठमाडौंको तारकेश्वर नगरपालिकामा पालेका टर्की र हाँसमा बर्डफ्लू पुष्टि भएको पशु सेवा विभागले जनाएको छ । केन्द्रिय पशुपन्क्षी रोग अन्वेषण प्रयोगशालामा गरिएको रियल टाइम पीसीआर परीक्षणमा बर्डफ्लू भएको पुष्टि भएको हो ।
बर्डफ्लू पुष्टि भएपछि त्यो फार्म तथा आसपासमा रहेका १८ सय ५६ वटा हाँस, ६ सय २२ वटा बट्टाई, ३२ वटा कुखुरा, २५ वटा टर्कीसँगै ५ सय ४२ अण्डा र ७५ केजी दाना नष्ट गरिएको विभागले जानकारी दिएको छ ।
