रथ तान्ने क्रममा पक्राउ परेकाहरुको रिहाइको माग गर्दै धर्ना(फोटोफिचर)

ललितपुर । मच्छिन्द्रनाथको रथ तान्ने क्रममा पक्राउ परेका युवाहरुलाई रिहाईको गर्नुपर्ने माग गर्दै स्थानीयहरुले विरोध जनाएका छन् । सोमबार उनीहरुले ललितपुर जिल्ला प्रशासन कार्यालय घेराउ गर्ने प्रयास गरेपछि प्रहरीले हटाएको थियो । प्रशासन कार्यालय पुगेर धर्नामा बस्न थालेपछि प्रहरीले हटाएको हो ।

विरोध प्रदर्शनलाई मध्यनजर गर्दै मानभवनभित्र रहेको प्रशासन कार्यालय व्यापक प्रहरी परिचालन गरिएको थियो । यसअघि बिहीबार जबरजस्ती रथ तानेपछि पुल्चोकमा रथ तान्ने युवा र प्रहरीबीच घम्साघम्सी परेको थियो।

ट्राफिक प्रहरीलाईसमेत कुटपिटमा उत्रेकाहरुसहित केहीलाई प्रहरीले पक्राउ गरेको थियो । पक्राउ परेका मध्ये केहीलाई रिहा गरिएको छ भने केहीलाई सार्वजनिक मुद्दा चलाउन हिरासतमा राखिएको छ।