भूजुङखोलामा आएको बाढीले बागलुङको ढोरपाटनका एक दर्जन भन्दा बढी मानिस बेपत्ता
बागलुङ । बागलुङ जिल्लाको ढोरपाटन नगरपालिकाको भूजुङखोलामा आएको बाढीले दर्जनौ बेपत्ता भएका छन् । ढोरपाटन नगरपालिकाको वडा नम्बर ८ र ९ का विभिन्न ठाउँमा गएको पहिरोसँगै भूजुङ खोलामा आएको बाढीले १७ जना सम्पर्कबिहीन भएका र थप मानिसहरु हराएको हुनसक्ने इलाका प्रहरी कार्यालय बुर्तिवाङले जनाएको छ ।
बाढीमा बेपत्ता भएका एक जनाको शव फेला परेको प्रमुख जिल्ला अधिकारी सुरेश न्यौपानेले जानकारी दिएका छन् । उनले राति नै घटनास्थलमा प्रहरी परिचालन गरिएको भन्दै बिहान नेपाली सेना र सशस्त्र प्रहरी बललाई घटनास्थलमा पठाइएको जानकारी दिए ।
ढोरपाटन नगरपालका ९ साबिक बोवाङ गाविसको भुसुण्डेको बस्ती, सुप्राङ बगालेडेरा, दुनेपधेरा, लाकुरिबोट, दोगाडी लगायतका बस्तीहरुमा ठूलो क्षति पुगेको स्थानीयले बताएका छन् ।
त्यसैगरी विद्युत गृह, सरस्वती आधारभूत विद्यालय र जनचेतना प्राथिमिक विद्यालयको भवनमा समेत क्षति पुगेको छ ।
