यसरी भासियो बुटवल–पाल्पा सडकखण्ड, फोटोमा हेर्नुस्

बुटवल । सिद्धार्थ राजमार्गको बुटवल–पाल्पा सडकखण्ड अन्तरगत दोभानमा सडक भासिएको छ । पाल्पाको तिनाउ गाउपालिका वडा नम्ब ३ दोभानमा रहेको दोभान प्रहरी चौकी देखि एक सय मिटर दक्षिणमा सडक भासिएको प्रदेश ५ ट्राफिक प्रहरी कार्यालय बुटवलले जनाएको छ ।

१२ मिटर लम्बाई डेढ फुट सडक चिराचिरा परेर फाटेकोले सडक अवरुद्ध भएको जिल्ला ट्राफिक प्रहरी कार्यालय पाल्पाका प्रहरी सहायक निरीक्षक बिक्रम भुसाल जानकारी दिएका छन् । सडक भासिएपछि प्रहरीले बुटवलबाट उत्तर जाने सवारी साधनहरु चिडिया खोला र पाल्पाबाट बुटवल आउने ठूला सवारी साधनलाई बर्तुङमा रोकेर राखिएको छ । सडक भासिएका कारण ठूला साधनहरु आवत जावत गर्न नमिल्ने अवस्था रहेको प्रहरी सहायक निरीक्षक भुसालले बताए ।

फोटोः ट्राफिक प्रहरी