प्रहरी प्रधान कार्यालयका ७२ प्रहरीमा कोरोना संक्रमण
काठमाडौं । प्रहरी प्रधान कार्यालयमा कार्यरत थप २८ जना प्रहरीमा कोरोना भाइरसको संक्रमण पुष्टि भएको छ । प्रहरी प्रवक्ता कुवेर कडायतका अनुसार थप २८ जना प्रहरीमा कोरोना संक्रमण पुष्टि भएको हो ।
योसँगै शुक्रबारसम्म प्रहरी प्रधान कार्यालयमा संक्रमितको संख्या ७२ पुगेको छ । कन्ट्याक्ट ट्रेसिङका आधारमा स्वाब संकलन गरी परीक्षण गर्दा थप २८ जना प्रहरी अधिकारीहरुमा संक्रमण देखिएको हो । सवारी र सञ्चार शाखामा कार्यरत प्रहरीमा संक्रमण पुष्टि भएपछि कन्ट्याक्ट ट्रेसिङका आधारमा स्वाब संकलन गरी परीक्षण गरिएको थियो ।
