कोशी अस्पताल विराटनगरबाट थप आठ कोरोना संक्रमित डिस्चार्ज

विराटनगर । कोशी अस्पताल विराटनगरमा उपचाररत थप ८ जनामा कोरोना संक्रमित निको भई अस्पतालबाट डिस्चार्ज भएका छन् । उदयपुर त्रियुगा–३ भुल्केका संक्रमित एकजना महिलासहित पाँच र भुल्केस्थित मस्जिदमा बसोबास गर्ने ३ जनाको तीन पटक सम्म पिसिआर रिपोर्ट नेगेटिभ आए पछि शुक्रबार उनीहरुलाई डिस्चार्ज गरिएको हो ।

उनीहरुलाई प्रदेश एकका सामाजिक विकासमन्त्री जीवन घिमिरेले बिदाइ गरेका थिए । कोसी अस्पतालमा उपचार गराइरहेका ६ जना यसअघि नै निको भएर डिस्चार्ज भइसकेका छन् ।