गायिका आस्था राउत चार हजार धरौटीमा रिहा
काठमाडौं । गायिका आस्था राउत चार हजार रूपैयाँ धरौटीमा रिहा भएकी छन् । अभद्र व्यवहार सम्बन्धी कसूरमा पक्राउ परेकी राउतलाई काठमाडौंका प्रमुख जिल्ला अधिकारी जनकराज दाहालले चार हजार रुपैयाँ धरौटीमा छाड्ने आदेश दिएका हुन् ।
माघ १ गते त्रिभुवन अन्तर्राष्ट्रिय विमानस्थलमा प्रहरी जवान रमिता श्रेष्ठमाथि दुव्र्यवहार गरेको आरोप लागेको थियो । श्रेष्ठले जाहेरी दिएपछि जिल्ला प्रशासन कार्यालय काठमाडौंले माघ ५ गते राउतविरूद्ध पक्राउ पूर्जी जारी गरेको थियो ।
आफूमाथि दुव्र्यवहार गरेको भन्दै विमानस्थलमा कार्यरत महिला प्रहरीले जाहेरी दिएपछि राउतविरूद्ध पक्राउ पूर्जी जारी भएको थियो । राउत आइतबार आफैं अविभावकसँग महानगरीय प्रहरी परिसर पुगेकी थिइन् ।
राउतलाई जिल्ला प्रशासन कार्यालयले चार दिन हिरासतमा राख्न अनुमति दिएको थियो । राउत पक्राउको सर्वत्र विरोध भएको थियो । त्यसपछि आजै राउतलाई जिल्ला प्रशासन कार्यालयले धरौटीमा रिहा गरेको हो ।
