निर्जीवन बीमाका लागि बीमा समितिले तोक्यो बीमा कम्पनी(सूचीसहित)



काठमाडौं । बीमा समितिले निर्जीवन बीमा कम्पनीहरुलाई जिल्ला तोकेर बाली तथा पशुपन्छी बीमाका लागि काम गर्न निर्देशन दिएको छ । बाली तथा पशुपन्छी बीमा व्यववसायलाई प्रवद्र्धन गर्नको लागि बीमा समितिले सबै जिल्लामा कम्तीमा एक बीमा कम्पनीको उपस्थिति अनिवार्य गर्न जिल्ला तोकेरै कम्पनीहरुलाई सेवा विस्तार गर्न निर्देशन दिएको हो ।

बीमा समितिका अध्यक्ष चिरन्जीवी चापागाईले ७५ जिल्लामा तोकेरै बीमा कम्पनीहरुलाई जान निर्देशन दिएको बताए । काठमाडौं र भक्तपुरमा भने सबै कम्पनीले आफ्नो इच्छा अनुसार सेवा विस्तार गर्न सक्ने छन् ।

उनले नेपालमा रहेका २० वटा निर्जीवन बीमा कम्पनीको व्यवसाय विस्तार र सरकारले किसानहरुलाई दिने बीमा अनुदानको प्रभावकारी कार्यान्वयनका लागि समितिले यस्तो निर्देशन दिएको बताए । त्यस्तै समितिले बीमा कम्पनीहरुलाई गाउँगाउँमा घुम्ती सेवामार्फत कृषि, बाली तथा पशुपन्छी बीमा सम्बन्धी सेवा उपलब्ध गराउन समेत निर्देशन दिएको छ ।

समितिले गाउँगाउँमा कार्यालय खोलेर सेवा दिन उपयुक्त नभएमा स्थानीय तहसँग सहकार्य गरी बीमाको सुविधा दिने अभियान नै सञ्चालन गरिएको अध्यक्ष चापागाईले बताए ।

तोकिएको जिल्लामा अनिवार्य घुम्ती सेवा उपलब्ध गराउन पनि समितिले सबै बीमा कम्पनीलाई निर्देशन दिइसकेको छ । अध्यक्ष चापागईले यसबाट कृषि बीमाको पहुँच सबैठाउँमा पुग्ने र सरकारले कृषिका लागि दिएको बीमा अनुदानको उपयोग हुने समेत बताए । यो अभियानले बीमको पहुँच बढ्ने समेत बताउनुभयो । सरकारले कृषि तथा पशुपक्षीं बीमामा प्रिमियमको ७५ प्रतिशत अनुदान दिदै आएको छ ।

कुन जिल्लामा कुन बीमा कम्पनी ?   

नेपाल इन्स्योरेन्स कम्पनी लि. :   दार्चुला, बैतडी, डडेलधुरा, कञ्चनपुर

राष्ट्रिय बीमा कम्पनी लि.:    बझाङ, डोटी, कैलाली

यूनाइटेड इन्स्योरेन्स कम्पनी (नेपाल) लि. :    हुम्ला, बाजुरा, अछाम

एभरेष्ट इन्स्योरेन्स कम्पनी  :  कालिकोट, दैलेख, सुर्खेत, बर्दिया

सगरमाथा इन्स्योरेन्स कम्पनी :   मुगु, जाजरकोट, जुम्ला

एन एल जी इन्स्योरेन्स लि.  : डोल्पा, रुकुम पश्चिम, सल्यान, बाँके

प्रभु इन्स्योरेन्स लि.  :  मुस्ताङ, म्याग्दी बाग्लुङ, स्याङ्जा

सिद्धार्थ इन्स्योरेन्स लि. :   मनाङ, कास्की, पाल्पा, रुपन्देही

प्रुडेन्सियल इन्स्योरेन्स कम्पनी लि. :    गोरखा, लमजुङ, तनहुँ, परासी

शिखर इन्स्योरेन्स कम्पनी लि.  :  चितवन, मकवानपुर, धादिङ, नुवाकोट

हिमालयन जनरल इन्स्योरेन्स क. लि. :    सिन्धुपाल्चोक, काभ्रेपलाञ्चोक, ललितपुर, बारा

प्रिमियर इन्स्योरेन्स कम्पनी (नेपाल) लि. :   दोलखा, रामेछाप, सिन्धुली, सर्लाही

आइएमई जनरल इन्स्योरेन्स लि.  :  सोलुखुम्बु, ओखलढुंगा, महोत्तरी, धनुषा

लुम्बिनी जनरल इन्स्योरेन्स कम्पनी लि. :   संखुवासभा, भोजपुर, खोटाङ, उदयपुर

नेको इन्स्योरेन्स लि.  :  ताप्लेजुङ, पाँचथर, इलाम, झापा

दि ओरिएण्टल इन्स्योरेन्स कम्पनी लि. :   धनकुटा, सुनसरी, तेह्रथुम, सप्तरी

नेशनल इन्स्योरेन्स कम्पनी लि. :   रोल्पा, प्युठान, दाङ, अर्घाखाँची

सानिमा जनरल इन्स्योरेन्स लि.  :  कपिलवस्तु, नवलपुर, मोरङ

जनरल इन्स्योरेन्स कम्पनी लि.  :  रसुवा, सिरहा, पर्सा

अजोड इन्स्योरेन्स कम्पनी लि.  :  गुल्मी, पर्वत, पूर्वी रुकुम, रौतहट

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
विराट राजाको दरबार उत्खनन् गर्दा के के भेटियो ?

विराटनगर । मोरङको बुधनगर भेडियारीस्थितका विराट राजाको दरबार भनिएको स्थानमा अहिले उत्खनन भइरहेको

सोमबारसम्म हल्का वर्षा र हिमपातको सम्भावना

काठमाडौं । आगामी सोमबारसम्म देशको अधिकांश भू–भागमा आंशिकदेखि सामान्य बदली रही केही स्थानमा

विद्यालयलाई वैकल्पिक माध्यमबाट पठनपाठन गराउन महानगरको आग्रह

काठमाडौं । काठमाडौँ महानगरपालिकाले कोरोना भाइरस सङ्क्रमण तीव्ररुपमा बढिरहेकाले तत्काल वैकल्पिक माध्यमबाट कक्षा

आइतबार देशभरका अदालत बन्द रहने

काठमाडौं । सर्वोच्च अदालतको शनिबार बसेको पूर्ण बैठक (फूलकोर्ट)ले पूर्वप्रधानन्यायाधीश मोहनप्रसाद शर्माको निधनमा