चलचित्र विकास बोर्डका अध्यक्ष केशव भट्टराईको निधन
काठमाडौं । चलचित्र विकास बोर्डका अध्यक्ष केशव भट्टराईको निधन भएको छ । भट्टराईको आइतबार राती साढे दश बजे निधन भएको हो । स्वास्थ्यमा अचानक समस्या आएपछि उनलाई उपचारका लागि ओम अस्पताल लगिएको थियो ।
अस्पताल पुर्याइएका उनलाई चिकित्सकले तत्कालै मृत घोषणा गरेका थिए । उनलाई हृदयघात भएको आशंका गरिएको छ । ५४ वर्षिय भट्टराईका पत्नी र छोरा रहेका छन् ।
उनी करिब तीन दशकदेखि अभिनय र सिनेमा निर्माणमा सक्रिय रहँदै आएका थिए । पछिल्लो पटक उनले ’यात्रा’ नामक सिनेमा निर्माण गरेका छन् ।
