चीनले भन्यो -नेपालको भूमि अतिक्रमण गरेका छैनौं
काठमाडौं । चीनले नेपाली भूमि अतिक्रमण नगरेको स्पष्ट पारेको छ । काठमाडौंस्थित चिनियाँ राजदूतावासका प्रवक्ता वाङ सिओयोङले नेपालको कुनै पनि क्षेत्रमा भूमि अतिक्रमण नगरिएको स्पष्ट पार्दै नेपालको भौगोलिक अखण्डताको सम्मान गर्ने बताएका हुन् ।
केही सञ्चारमाध्यम र समूहले चीनले पनि नेपालको भूमि अतिक्रमण गरेको आरोप लगाएको बताउँदै चीनले नेपालको भूमि अतिक्रमण नगरेको बताएको हो । नेपाल र चीनबीच भएको सीमा सम्बन्धी हस्ताक्षर अनुसार नै सीमा तय भएको उनले उल्लेख गरेका छन् ।
भारतले पछिल्लो समय जारी गरेको नयाँ नक्सामा नेपालको कालापानी, लिपुलेकलगायका क्षेत्र परेपछि नेपालमा तीव्र विरोध हुँदै आएको छ ।
