कुवेतबाट तीन सय महिला श्रमिकलाई आज स्वदेश फर्काईंदै
काठमाडौं । कुवेतबाट करिब ३ सय महिला श्रमिकलाई आज स्वदेश फर्काइने भएको छ । कुवेतमा आममाफी पाएर क्याम्पमा बसेका महिलालाई कुवेतले काठमाडौं ल्याइदिन लागेको हो । सबै प्रक्रिया टुंग्याएर आज दुई वटा उडानमा नेपाली पठाउन लागेको कुवेतमा लागि नेपाली राजदूत दुर्गाप्रसाद भण्डारीले जानकारी दिएका छन् ।
गत अप्रिल २६ देखि आममाफी प्रक्रियामा सहभागी उनीहरू कुवेतस्थित विभिन्न क्याम्पमा छन् । कुवेत सरकारले आममाफी दिएका श्रमिकहरूलाई विद्यालय, कलेज, खेल मैदान र सार्वजनिक भवनहरूमा राखेको छ ।