त्यसो भए साना व्यापारी र पसलेबाट जफत गरेका मास्क फिर्ता दिऊँ
सरकारले लागतभन्दा २०% महँगोमा सप्लायरसँग सामान किनेको त आफै स्वीकार गर्यो । यो भनेको सरकारी हिसाबले पनि २५ करोड़ रुपियाँ बढ़ी हो ।
सरकारले भ्रष्टाचार गरेन रे, तर यस्तो सङ्कटका बेला समेत आफ्नै सरकारसँग अनुचित नाफा कमाउन खोज्ने सप्लायरको लाइसेन्स खारेजी गरेर अब आइन्दा ठेक्कापट्टा गर्न नपाउने बनाऊँ न त ।
सङ्कटमा मूल्य होइन, सामान बेच्नु नै ठूलो कुरो हो भन्ने हो भने हिजो साना व्यापारी र पसलेबाट जफत गरेका मास्क फिर्ता दिऊँ । जसबाट जफत गऱ्यौं, तिनले आफै उत्पादन गरेका होइनन् ।
किन्दा महँगो परेको पनि त हुन सक्थ्यो । तर हामीले ‘प्वाइन्ट अफ सेल’ लाई दोषी भनेर प्रचार गऱ्यौं । टिभीमा देखायौं । ठूलो व्यापारीलाई कालोबजारी गर्न छुट र सानालाई बन्देज त पक्कै नहोला । अब तिनको फोटो टिभीमा देखाऊँ, जसले यस्तो मानवीय सङ्कटमा समेत देशलाई गद्दार गरे, सरकारलाई ठगे र बदनाम गरे ! सानाठूला सबैलाई एउटै मानदण्ड अपनाऊँ ।
