ग्वाङजाओबाट आयो अत्यावश्यक स्वास्थ्य सामग्री, सातै प्रदेशलाई उपलब्ध गराइने
काठमाडौं । नेपाल एयरलाइन्सको जहाजले चीनको ग्वाङजाओबाट अत्यावश्यक स्वास्थ्य सामग्री ल्याएको छ । आइतबार बिहान ५ः४० बजे जहाज त्रिभुवन विमानस्थलमा अवतरण गरेको थियो ।
स्वास्थ्य सामग्री ७ वटै प्रदेशका मुख्यमन्त्रीहरूलाई अत्यावश्यक परिणाममा उपलब्ध गराउने प्रबन्ध उच्चस्तरीय समितिले मिलाएको प्रधानमन्त्रीका प्रेस सल्लाहकार सूर्य थापाले जानकारी दिएका छन् । नेपाल सरकार स्वास्थ्य मन्त्रालयले आकस्मिक रूपमा स्वास्थ्य सामग्री खरिद गरी ल्याउने यो व्यवस्थापन गरेको हो ।
