एपल कम्पनीद्वारा भारतमा आईफोन १४ को उत्पादन सुरु, के अब सस्तो होला त मूल्य ?



प्रविधि कम्पनी एपलले भारतमा आईफोन १४ बनाउन सुरु गरेको बताएको छ । उसले चीनबाट आफ्नो आपूर्तिको सञ्जाल बाहिर लैजान खोजिरहेको छ । एपलले आफ्ना अधिकांश फोन चीनमा उत्पादन गर्छ। तर संयुक्त राज्य अमेरिका र बेइजिङबीच तनाव बढेकाले उक्त कम्पनीले केही उत्पादन चीनबाहिर गर्न थालेको छ ।

चीनमा लागु गरिएको ’शून्य कोभिड’ नीतिका कारण व्यापक लकडाउन हुँदा महामारीका बेला व्यापार पनि नराम्ररी प्रभावित भएको थियो । एपलले केही साताअघि आईफोनको नयाँ संस्करण बजारमा ल्याएको हो । उसले विज्ञप्तिमा भनेको छ, ‘नयाँ आईफोन १४ मा नवीनतम प्रविधिहरू र महत्त्वपूर्ण सुरक्षा क्षमता छन्। हामी भारतमा आईफोन १४ उत्पादन गर्न उत्साहित छौँ ।’

ताइवानमा आधारित फक्सकन कम्पनीले एपलका अधिकांश फोनहरू निर्माण गर्दै आएको छ। उक्त कम्पनीले दक्षिण भारतको तमिलनाडुमा सन् २०१७ देखि आईफोनका पुराना संस्करणका ह्यान्डसेट बनाउँदै आएको थियो ।

तर अब एपलले आफ्नो नयाँ उत्पादन आईफोन १४ भारतमै बनाउन खोजेको छ । भारतमा आउँदा एपलले आफ्नो बजार बढाउने उद्देश्य पनि राखेको छ। गत वर्षसम्म भारतको बजारमा आईफोनको हिस्सा चार प्रतिशत मात्र थियो । उक्त अमेरिकी कम्पनीले सस्ता स्मार्टफोनसँग प्रतिस्पर्धा गर्नुपरेको छ।

भारतको मोबाइल बजारमा चीन र दक्षिण कोरियामा उत्पादित सस्ता फोनहरू निकै लोकप्रिय छन् । भारतमा उत्पादन गरिए पनि आईफोनको मूल्यमा कुनै अन्तर भने पर्नेछैन। आईफोनका अवयवहरू आयात गर्न लाग्ने चर्को शुल्क र अन्य करका कारण आईफोनको मूल्य नघट्ने देखिन्छ ।

भारतीय प्रयोगकर्ताहरूले आईफोनमा अब ’मेड इन इन्डिया’ देखे पनि आईफोन किन्न ठूलो रकम तिर्नुपर्नेछ । भारतमा आईफोन उत्पादन बढ्ने घोषणालाई भारतीय प्रधानमन्त्री नरेन्द्र मोदीको सरकारको उपलब्धिका रूपमा लिइएको छ । आठ वर्षअघि मोदी सरकारले ‘मेक इन इन्डिया’ अभियान सुरु गरेको थियो। त्यसअन्तर्गत भारतमा हुने उत्पादन र भारतबाट हुने निर्यात बढाउने उद्देश्य राखिएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अस्पताल परिसरमा इजरायली कारबाही, दुईसय जनाको मृत्यु

हमासका वरिष्ठ व्यक्तिहरू भित्र रहेको सुराकीपछि गाजामा रहेको सबैभन्दा ठूलो शिफा अस्पतालमा इजरायलले

रूसी सेनाको विमान क्रिमियाली क्षेत्रमा दुर्घटनाग्रस्त

रूसी सेनाको एउटा विमान क्रिमियाली प्रायद्वीपनजिकको समुद्रमा दुर्घटनाग्रस्त भएको युक्रेनको नियन्त्रणमा रहेको क्रिमियाली

अपहरित नाइजेरियाली बालबालिका अभिभावकसँग पुनर्मिलन

दुई हप्ताभन्दा बढी समय अपहरणमा परेर सेनाको सहयोगमा मुक्त भएका एकसय ३० भन्दा

बंगलादेशकी पूर्वप्रधानमन्त्री जियाको जेल सजाय ६ महिना थप

बंगलादेश सरकारले पूर्वप्रधानमन्त्री खालेदा जियाको जेल सजायलाई अर्को छ महिना थप गरेको छ