रविन्द्र मिश्र र धवलशमशेरसहित ४१ जनालाई म्याद थपका लागि गराइयो अदालतमा उपस्थित
काठमाडौं । प्रहरीले राष्ट्रिय प्रजातन्त्र पार्टी वरिष्ठ उपाध्यक्ष रविन्द्र मिश्र, नेता धवलशमशेर राणा, अधिवक्ता स्वागत नेपालसहित ४१ जनालाई अदालतमा पेस गरेको छ ।
उनीहरूविरुद्ध प्रहरीले संगठित अपराध, राज्यविरुद्धको कसुर र आपराधिक उपद्रको कसुरमा अनुसन्धान गर्न म्याद थपको अनुमति मागेको छ ।
गत शुक्रबार काठमाडौं तिनकुनेमा दुई जनाको ज्यान जानेगरी भएको प्रदर्शनमा उनीहरूको संलग्नता रहेको आरोपमा प्रहरीले शुक्रबार राति नै पक्राउ गरेको थियो । उनीलाई प्रहरीले हत्कडीसहित जिल्ला सरकारी वकिलको कार्यालय पुर्याएको थियो ।
