भीमदत्त नगरपालिकाका कांग्रेस सभापति कलौनी मृत फेला
धनगढी । कञ्चनपुरमा नेपाली कांग्रेसका नगर सभापति अच्युत कलौनी मृत फेला परेका छन् । भीमदत्त नगरपालिका– १८ स्थित वडा कार्यालय नजिकैको बाटोमा घोप्टो परेको अवस्थामा उनको शव फेला परेको हो ।
सुदूरपश्चिम प्रदेश प्रहरी कार्यालयका प्रमुख डीआईजी गणेश चन्दले अहिले घटनास्थलमा जिल्लाका एसपी चक्रराज जोशीको कमाण्डमा टोली घटनास्थलमा पुगेको जानकारी दिए ।
मृतक कलौनी भीमदत्त नगरपालिकाका कांग्रेस सभापति तथा निकै लोकप्रिय नेता थिए । उनको हत्या भएको आशंकासमेत गरिएकोले प्रहरीले सोही ढङ्गले पनि अनुसन्धान थालेको छ ।
