अध्यादेशको प्रक्रिया र नियत खोटपूर्ण रहेको रास्वपाको ठहर
काठमाडौं । राष्ट्रिय स्वतन्त्र पार्टीले संसदको आसन्न अधिवेशनको ३ हप्ताअघि हतारहतार हतास मनस्थितिमा काम देखाउन सरकारले पाँचवटा अध्यादेश ल्याएको भन्दै आपत्ति जनाएको छ ।
सोमबार बसेको पार्टी सचिवालय बैठकले अध्यादेशको प्रक्रिया र नियत खोटपूर्ण रहेको ठहर गर्दै अध्यादेशका अन्तर्वस्तुगत सारमाथि रास्वपाका सांसदहरुले गुण–दोषका आधारमा खरो बहस गर्ने निर्णय गरेको हो ।
बैठकले संसदमा दुई तिहाई बहुमत भएको सरकारको अक्षमता र निरीहता स्पष्टसँग प्रदर्शितभएको निष्कर्ष निकालेको छ । बैठकले केन्द्रीय सचिवालय सदस्य/पदाधिकारीहरुको नेतृत्वमा आगामी फागुन महिनामा सातै प्रदेशमा ‘सर्वाङ्गीण संवाद’ गर्ने निर्णय पनि गरेको छ ।
