एसइईमा यसरी नै आउने हो ७० प्रतिशत नतिजा प्रधानमन्त्रीज्यू ?

सुमना श्रेष्ठ ।

प्रधानमन्त्री ज्यू,
यी अबोध बालबालिकालाई स्कुल ड्रेसमा कक्षाकोठाबाट निकालेर लाइन लगाएर तपाईँकै पार्टीको भातृसंगठनले आफ्नो जिल्ला अधिवेशनमा ल्याएछ । यसपाली इसइईमा ७०% नतिजा ल्याउँछु भन्नुभाथ्यो, अब यी बच्चाहरूको कपि चेक गर्दा ‘अखिल जिन्दावाद’ लेख्ने जतिलाई मात्र पास गराउने हो की कसो हो ? ‘ओली बा आइ लभ यु’ भनेर लेख्न लाउने हो की उत्तर पुस्तिकामा ? यसरी नै आउने हो ७०% नतिजा ?

समृद्धि आउँछ भन्नुहुन्थ्यो–बच्चाहरू पढाउन छोडेर ‘आयो आयो अखिल आयो’ भनेरै समृद्धि आउने हो ? सुखी नेपाली बनाउँछु भन्नुहुन्थ्यो–’अनेरास्ववियु जिन्दावाद’ भन्नेलाई मात्र नेपाली ठान्नुभएको हो की ? अनि लोकतन्त्रको ‘पर्याय’ हामी हौँ भन्ने र शिक्षामा राजनीति हुन दिन्नौ भनेर घोषणापत्रमा लेख्ने सत्तारुढ काँग्रेसका विशिष्ट नेताज्यूहरू, ‘विद्यार्थी सङ्गठनले विद्यालयमा पढिरहेका विद्यार्थीलाई घिसारेर फलानो जिन्दावाद भनेर’ शिक्षामा राजनीति हट्छ की, प्रधानमन्त्रीज्यूकै पार्टीको प्राध्यापक सङ्घको अध्यक्षलाई विश्वविद्यालयको भिसी बनाएर ? अर्को पल्ट नेविसंघले पनि यस्तै गर्न मिल्छ भनेर सौदाबाजी गर्न खोजेको हो कि ?

अनि शिक्षा मन्त्रीज्यू,
प्रचलित कानुनले त यस्तो गर्न दिदैँन हैन र विद्यालयमा ? कति भयो भने चाहिँ तपाईंलाई अति हुने हो ??
हेर्नुस् भिडियो