विभिन्न आशंका गरिएपछि एमाले नेताले सार्वजनिक गरे कम्बोडिया जाने नेताको नाम
काठमाडौं । आईक्यापको १२ औं अधिवेशनमा भाग लिन नेपाली नेताहरु कम्बोडिया प्रस्थान गरेका छन् । नेकपा एमालेका नेता राजन भट्टराईले सामाजिक संजालमार्फत कम्बोडिया जाने नेताहरूको सूची सार्वजनिक गरेका गरेका हुन् ।
कम्बोडिया जानेहरुको बारेमा विभिन्न आशंका गरिएपछि भट्टराईले नेताहरुको सूची सार्वजनिक गरेका छन् । केही दिनअघि मेडिकल व्यवसायी दुर्गा प्रसाईंले प्रधानमन्त्री केपी शर्मा ओलीले कम्बोडियाको टेलिकममा लगानी गरेको भन्दै दुष्प्रचार गरेका थिए । त्यसपछि भट्टराईले कम्बोडिया जाने नेताहरुको सूची सार्वजनिक गरेका हुन् ।
भ्रमण टोलीमा एमालेबाट भट्टराई, एमाले विदेश विभाग प्रमुख रघुवीर महासेठ, कांग्रेसकी नेतृ सुजाता कोइराला र पूर्वसांसद दिव्यमणि राजभण्डारी, माओवादीका अग्नी सापकोटा र गोकर्णप्रसाद भाट, राप्रपा नेता उद्धव पौडेल र केदारबहादुर अधिकारी, जनमतका सीके राउत, एकनाथ ढकाललगायतका नेता छन् ।
