त्यसैले हामी सडक राज्य र सडक राष्ट्र !
केशवप्रसाद भट्टराई ।
सडक नै हाम्रो राज्य र राष्ट्र हो ।
सडकले नै हाम्रो सरकार, संसद र न्यायालयलाई हाँक्छ, नेतृत्व गर्दछ !
त्यसैले सडक हाम्रो संसद हो, सडक संसद हो र सडक नै न्यायालय हो ।
सडकले जे भन्छ त्यही हाम्रो राष्ट्र, राज्य,राष्ट्रियता,संविधान,कानुन, हो !
हामी सडकको लागि राजनीति गर्दछौँ !
सडकले नै हाम्रो परराष्ट्र नीति तय गर्दछ ,
सडकले नै राष्ट्रिय हितहरूलाई निर्धारण गर्दछ ।
सडकले नै न्याय के हो र अन्याय के त्यो निर्णय गर्दछ ।
हाम्रो सामूहिक गौरव, पौरख र सिङ्गो राष्ट्रको विवेक र मर्यादालाई प्रतिनिधित्व पनि सडकले नै गर्दछ
हाम्रो इतिहास पनि सडकले नै लेख्छ !
समाचार सडकले लेख्छ, मिडियाहरूलाई सडकले चलाउँछ, विचार सडकले जन्माउँछ ।
लेखकहरूलाई सडकले नै उत्पादन गर्दछ, त्यसैले उनीहरूले सडकको लागि मात्र लेख्छन् ।
त्यसैले हामी सडक राज्य र सडक राष्ट्र !
