‘सूर्य–चन्द्र ध्वजा उठोस् सगरको माथि–माथि’
नौलो वर्ष हर्ष बढोस् !
नौलौ वर्ष हर्ष बढोस्, कोही नहोउन् दुःखी यहाँ
स्वाधीनता, स्वाभिमान देशको सबै सबल बनोस् जहाँ,
स्वेच्छाचारी, अत्याचारी सबको शीघ्र होओस् पतन
देशभक्ति सर्वत्र ढकमक्क भइ यहाँ होस् सुशासन ।
नमिचियोस् सीमा देशको यो धरती मुस्कुराइ रहोस्
हस्तक्षेप पराईको सबैका विनाश हुँदै जाओस्,
सूर्य–चन्द्र ध्वजा उठोस् सगरको माथि–माथि
विदेशी जासूस नपुगोस् कोही बालुवाटार राती ।
समृद्धि फैलियोस् समाजमा लालिमाझैं वसन्तको
पूरा हुँदै जाउन् सधैँ इच्छा, आशा अन्तरमनको,
जीवन सदा स्वस्थ्य रहोस्, कोरोना नष्ट भइ जाओस्
पंख फिजाइ खुशियाली सर्वत्र घर–घरमा पुगोस्
डा. भीम रावल ।
