कहिले सुध्रिएला नेपालको शासन र प्रशासन ?



भीम उपाध्याय ।
प्रविधि प्रणाली गुणस्तरहीन भयो भने मानिस नयाँ नयाँ प्राविधिक प्रणालीमा विश्वास गर्दैनन् । यसले गर्दा नयाँ चुस्त स्मार्ट प्रणाली स्थापित हुन बाधा दिन्छ। नया‘ प्रविधि प्रयोग नगरी सेवा सुविधा गुणस्तरीय र तिब्र स्मार्ट हुन सक्दैन। यही माकुरी जालमा नेपालको शासन र प्रशासन फस्दै आएको छ ।

सरकारका वेबसाईटहरूको बिजोग छ । सरकारी निकायका पदाधिकारीहरू सोसल मिडियामा अघि नै सर्दैनन्। मिडियाहरू आआफ्ना स्वार्थ वा आग्रह पूर्वाग्रहमा लेख्छन्, बोल्छन्।

सरकारका अनलाईन पोर्टलहरू अलिकति लोड पर्यो कि थचक्कै बस्छन् । त्यसको प्रत्यक्ष गुनासो गर्ने वा सुन्ने माईबाप कोही हुदैनन् । झन् त्यस्तो बेला पारेर सबैजसो सरकारीका कथित जिम्मेवार भनाउँदाहरू झन् गैरजिम्मेवार हुँदै दुला पस्छन् ।

फोन उठ्दैन, उठेपनि जवाफ पाइँदैन । हाकिम नै मेचमा हुँदैनन् । मोबाईल नम्बर लुकाउँछन् । ईमेल हेर्दैनन् । टेक्स्ट एसएमएस वा मेसेज पठायो जवाफै दिँदैनन् ।

भेट्न गयो कार्यकक्षको ढोकाको नेमप्लेटमा ब्यस्त लेखेर छिर्नै दिँदैनन् । कसैगरी छिरे पनि अर्को कोठातिर जाउ भन्छन् । सूचना अधिकारी र प्रवक्ता नामका अफिसरहरू जन्तु जस्ता छन् । केही सूचना नै तिनसँग भएको हुँदैन, भएपनि लुकाउँदैमा आनन्द लिन्छन् । त्यसमाथि आफूलाई महाराज ठान्ने हाकिमहरू छन्, फ्रन्ट डेस्क सधैं खाली हुन्छ ।

डेटाबेस झिनमैं ह्याक हुन्छन् । मर्मत गर्ने ल्याकत सरकार भित्रको संयन्त्रमा हुँदैन । टिप्पणी लेखेर शासन गर्नमै मोज छ । सबै बिस्तारै हुन्छ, हुँदैछ, पहिलेका सरकारहरूले के नै लछारपटार लगाएका थिए र ? भन्ने उही पूराना अनुहारका नयाँ सरकारका पात्रहरू आफ्नै मुखमा थुकेको पत्तो पाउन्नन् ।

बिजुली वा टेलिफोनको भर पर्यो भने सात गाउँ बाढीले डुबिसकेको हुन्छ। । अनि त, सरकारको कुनै पनि बाचा वा आह्वान गधाले पनि सुन्दैनन्, मूसोले पनि पत्याउन्न ।

त्यसमाथि घुसैघूस शासन प्रशासन मशिनरीको लुब्रिकेन्ट बनेको छ । समृद्धि भएकै छ । दुनियाँ हास्ने, हसाउने काम हुनु कम्ता काम हो र !

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कुमारी सहकारी हिनामिना प्रकरण : एक अर्ब १३ करोड बिगो दाबीसहित २५ जनाविरूद्ध मुद्दा दर्ता

म्याग्दी । बेनीको कुमारी बहुउद्देश्यीय सहकारी संस्थाको रकम हिनामिना प्रकरणमा जिल्ला समन्वय समितिका

भूकम्पबाट कहाँ-कहाँ भयो क्षति ?

काठमाडौं । भूकम्पपछि भाग्ने क्रममा सिन्धुपाल्चोकमा एकजना घाइते भएका छन् । जिल्ला कारागारबाट

सिन्धुपाल्चोकको भैरवकुण्ड केन्द्र बनाएर ६ दशमलव एक म्याग्निच्युडको भूकम्प

काठमाडौं । सिन्धुपाल्चोकको भैरवकुण्ड आसपास केन्द्रबिन्दु बनाएर आज बिहान छ दशमलव एक म्याग्निच्युडको

आगामी आर्थिक वर्षको बजेट लेखनका लागि अर्थ मन्त्रालयले बनायो ६ सदस्यीय समिति

काठमाडौँ । आगामी आर्थिक वर्ष २०८२/८३ को बजेट लेखनका लागि अर्थ मन्त्रालयले बजेट