‘बेलगाम ओलीको नाकमा नत्थी लगाउन सक्ने नेकपामा भएका एकमात्र नेता वामदेव नै हुन्’
भीम उपाध्याय ।
वामदेवले चुनाव हारेका हुन् तर धेरै मत पाएर दोश्रा भएका नेता हुन् केवल सामान्य सांसद जस्ता हैनन् । वामदेवले पाएको मतको संख्या अहिले भएका सांसदहरूमध्ये ९० प्रतिशतको मत भन्दा बढी छ । वामदेव सांसद भइसकेकाले अब उनलाई मन्त्री बन्ने पूर्ण संवैधानिक अधिकार छ, प्रधानमन्त्रीले चाहेमा मन्त्री बन्न कतैबाट रोकिदैन ।
वामदेव नेकपामा एक्सन ओरियन्टेड र हक्की नेता हुन् । वामदेव उमेरले नेकपामा सिनियरमोस्ट शीर्ष नेता हुन् । अहिले संघीय र प्रदेश सांसदहरूमा एक दर्जन सांसदहरू गत चुनावमा पराजित उम्मेदवार छन् । चुनावको नतिजाले नेता बन्ने हैन, सांगठनिक कौशल र क्षमताले मात्र बनिन्छ । पिलन्धरे नाम मात्रका नेताको नेपालमा कुनै काम छैन ।
वामदेवका अरू कुरा उनले नै जानून्, जनताले उनीबारे जस्तो धारणा बनाउन् तर वामदेव सुरूदेखि उनै वामदेव हुन्, म उनमा अहिलेसम्म कुनै परिवर्तन भएको देख्दिन ।
वामदेव मन्त्री बने भने अहिलेका कवाडी सबै मन्त्रीहरू र प्रधानमन्धी भन्दा तगडा ढंगले मन्त्रालय चलाउने छन् । बेलगाम ओलीको नाकमा नत्थी लगाउन सक्ने नेकपामा भएका एकमात्र नेता पनि वामदेव नै हुन् ।
