कोरोना संक्रमणबाट जगदम्बा इन्टरप्राइजेजका प्रमुख कार्यकारी अधिकृतको मृत्यु

वीरगन्ज । कोरोना संक्रमणबाट जगदम्बा इन्टरप्राइजेजका प्रमुख कार्यकारी अधिकृतको मृत्यु भएको छ । ५६ वर्षीय भारतीय नागरिक उनको नारायणी अस्थायी कोरोना अस्पताल गण्डकमा उपचारका क्रममा बिहीबार राति मृत्यु भएको हो ।

अस्पतालका इन्चार्ज डा.निरजकुमार सिंहका अनुसार उनी लामो समयदेखि मुुटुसम्बन्धी रोगबाट पीडित थिए । उनको केही समयअघि मुटुको बाइपास शल्यक्रिया भएको थियो । संक्रमण पुष्टि भएपछि गत साउन ७ गते उनी कोरोना अस्पताल भर्ना भएका थिए । यसअघि बिहीबार मात्र पर्सामा कोरोना संक्रमणबाट दुईजनाको मृत्यु भएको थियो। यो सँगै नेपालमा कोरोनाबाट मृत्यु हुनेको संख्या ५५ पुगेको छ।