अब पार्टीको झण्डा होइन, राष्ट्रिय झण्डा बोकेर एक जुट होऔं

हेमविक्रम सिलवाल ।

नेपाल, भारत र चीन बिचको सीमा समस्या दिन प्रतिदिन विवाद भईरहनु ,यसको सामाधान नखोज्नु नेपाली राजनितिक दलहरुको चाहिं कम्युनिष्ट पार्टी, कांग्रेस , राप्रपा, मधेशवादी दल २०४६ सालपछि देशमा जे जस्ता घटनाक्रम भए यसप्रति कहिले पनि जवाफदेहिता भएन । अहिले पछिल्लो चरणमा आएर सुस्ता लगायत लिम्पयाधुरा कालापानी लगायतका भुभाग भारतले अतिक्रमण गरिरहँदा यि राजनीतिक दलको सत्ता प्राप्ती फोहरी खेल बाहेक कही गुन्जायस् रहेन । दिल्लीमा १२ बुँदे समझदारी गरेर आएका राजनीतिक पार्टीबाट सीमा र राष्ट्रियताको रक्षा हुन्छ भन्नु कागलाई बेल पाक्यो हर्ष न बिष्मात जस्तै हो ।

यि राजनीतिक दलबाट राष्ट्रियता बच्न सक्दैन । अब समय छदै देशका स्थायी सरकार नेपाली सेना, परम्परागत शक्ति , बुदिजिवी , साहित्यकार , इतिहासकार , पत्रकार , विद्यार्थी र आमनेपाली दाजुभाइ तथा दिदिबहिनीहरुले यस कुरालाई मनन गरी एकजुट हुन स्वतन्त्र नागरिक समाज बिनम्रता पुर्ण अपिल गर्दछ । विश्वव्यापी रुपमा फैलिएको कोभिड १९ रोगका कारण जनता घरबाट बाहिर निस्कने अवस्था छैन । यस विषम घडीमा मित्रराष्ट्र भारत र चीनले जुन किसिमको लिपुलेकदेखि मानसरोवरसम्मको स्थलगत सडक निर्माण सम्पन्न गरी उद्घाटन गर्दासम्म नेपाल सरकारका परराष्ट्रमन्त्री बेखबर हुनु लज्जा कुरा हो ।

यि राजनीतिक दलहरु देश र जनताप्रति उत्तरदायी, जिम्मेवारीबोध रहेनछन् भन्ने प्रमाणित भयो । जस्तै १९९९ देखि नै भारतले त्यस क्षेत्रमा क्याम्प खडा गरी बिगत ३० वर्षदेखि मोटरबाटो निर्माणको कार्य भएको र अहिले आएर सम्पन्न भएको भनेपछि नेपालका शासकहरु अन्धाले हात्ती छामे झै सुतेर बसेका थिए त ? अब यस आयातित व्यवस्थाले माक्र्सवाद, लेनिनवाद , माओवाद र नेपाली कांग्रेसको समाजवाद यी वादबाट मुलुक बर्बाद हुनु बाहेक केही भएन । आफनो खालको माटो सुहाउँदो शासन व्यवस्था कायम नगर्ने हो भने हाम्रो देश भविष्यमा नरहन पनि सक्ने अवस्था आउन सक्छ । अब यो त्यो बहाना नगरी सम्पूर्ण नेपाली दाजुभाइ दिदी बहिनीहरु पार्टीको झण्डा बोकेर होइन । राष्ट्रिय झण्डा बोकेर एक जुट हुने बेला आएको छ ।

यो शासन व्यवस्थालाई टिकाइ राख्यौं भने नेपाली जनताको भविष्य अन्धाकार हुने निश्चित देखिन्छ । यिनलाई जसले सत्तामा ल्याए त्यसको विरुद्धमा यी राजनीतिक दलहरु जान सक्दैनन् । त्यसैका खातिर यस विषम परिस्थतिमा देश बचाउने जिम्मा नेपाली सेनाको हो र सेना अघि बढेमा नेपाली जनताले साथ दिने परिस्थिति सिर्जना भएको छ ।

सेनाले हाम्रो गुमेको हिन्दू अधिराज्य , शाहवंशीय राजसंस्था पुनः स्थापना गर्न अब ढिलो गर्नु हुँदैन । राजनीतिक दलको भर पर्दा छिमेकी राष्ट्र सिक्किम भारतमा विलय भयो , त्यो अवस्था नेपालमा सिर्जना नहोला भन्न सकिन्न । अब यो देश बचाउने जिम्मा नेपाली सेना , नेपाली जनता र परम्परागत शक्तिको हातमा छ र यी राजनीतिक दलहरुबाट मुलुकको दिगो विकास , शान्ति, अमनचयन सीमा सुरक्षा , परराष्ट्र नीति, क्षेत्रीय सुरक्षा , देश भित्रै रोजगार कायम हुने देखिदैन ।

यसको ज्वलन्त उदाहरण महामारीको बेलामा चीन र भारतले नेपालको भुभाग मिचेर सडक निर्माण सम्पन्न गरी उद्घाटन गर्नु हो र यस गुमेका भुभागलाई यी राजनीतिक दलबाट सम्भव देखिंदैन । तत्काल सेना अघि बढ्नु पर्छ र व्यवस्था नै खारेज गरी नागरिक सरकार गठन गरी नागरिक सरकारमार्फत गुमेको भुभाग फिर्ता गर्न कुटनीतिक पहलकदमी तथा सयुक्त राष्ट्रसंघ मार्फत अन्तराष्ट्रिय अदालत गुहार्नुको बिकल्प छैन ।
 सिलवाल स्वतन्त्र नागरिक समाजका संयोजक हुनुहुन्छ ।