शायद देशलाई लकडाउनमात्रै गरेर चुपचाप घर बसेको भए उनी सङ्क्रमित हुने थिएनन्



नारायण गाउँले ।

आफूमा भाइरस देखिनुअघि बेलायती प्रधानमन्त्रीको सक्रियता अभूतपूर्व थियो । उनले दिनैजसो डाक्टर, वैज्ञानिक, सुरक्षाप्रमुखलगायतका सँग कोब्रा मिटिंगदेखि प्रेसमिट गर्न भ्याए । देशलाई लकडाउनमा लैजान कड़ा कानुनको आवश्यकता पर्दथ्यो, संसदबाट त्यो पनि पास गराए । लकडाउन गर्नै पर्ने अवस्थामा रोजगारी गुमाउने लाखौं मजदुरको तलब राज्यले बेहोर्न संसदको अनुमति चाहिन्थ्यो । स्वरोजगारमा रहेकाहरूलाई के गर्ने भन्ने अर्को चिन्ता थियो । ब्याङ्कको ऋण तिर्न नसक्नेदेखि व्यवसाय बन्द गर्दा कामदारको तलबभत्ता बेहोर्न गाह्रो हुने साना व्यवसायी सम्मलाई राहत दिनु जरूरी थियो ।

धेरै जसो बेलायतीहरूले होमलोन लिएका छन्, तिनलाई यो कठिन समयमा दुई तीन महिना किस्ता नतिरे पनि हुने बनाउनु थियो । दर्जनौं देशमा फसेका नागरिकलाई फिर्ता ल्याउनु थियो । पश्चिमले यस्तो भन्यो, उस्तो भन्यो भनेर नेपाली पत्रिकामा पढ्न पाइन्छ तर उनले कहिल्यै चीन या अन्य देशलाई हेपेर बोलेको यहाँ सुनिएको छैन । सबै मिलेर जीवन बचाउनुपर्ने भन्ने उनको थेगो नै थियो । धेरै जसो देशले चीनसँग हवाइ सम्पर्क तोड्दा समेत लण्डन-बेइजिंग कनेक्टेड नै थियो ।

कोही घरबाहिर निस्किन नचाहने यस्तो कठिन समयमा पाँच लाख जनताले स्वयंसेवाका लागि आवेदन दिए । यति धेरै कर्मचारी भर्ना गरेर जनताका आवश्यक काम सम्पन्न गर्न गाह्रो थियो । स्वयंसेवीका कारण अब यो धेरै सजिलो हुनेछ । तिनले आइसोलेशनमा रहेकाहरूको डेटा राख्नेदेखि फोन गरेर सहयोग र सल्लाह उपलब्ध गराउनेछन् । हरेक मोर्चामा उनी फ्रन्ट लाइनमा देखिए । गर्नुपर्ने धेरै काम लगभग सकियो ।

मुख्य कुरो त यो सामाजिक सुरक्षाका कार्यक्रम भोलि लागू हुने भन्ने होइन, शुरु नै भइसक्यो । यो एकढेड़ हप्ता बोरिस फ्रन्टलाइनमा हुने छैनन् । कोठाबाटै भए पनि उनको सक्रियता रहिरहने उनले बताएका छन् र फेरि पनि सबै नागरिकलाई घरभित्रै बसेर देशलाई सहयोग गर्न अपिल गरेका छन् । अब आफ्नै घरमा रहेकी गर्भवती प्रेमिकालाई पनि उनले केयर दिन नपाउने भए ।

शायद देशलाई लकडाउनमात्रै गरेर चुपचाप घर बसेको भए उनी सङ्क्रमित हुने थिएनन् । मलाई उनी डोनाल्ड ट्रम्पका भाइमात्रै होइन, हावा मान्छे लाग्थे । उनमा अझै पनि धेरै कमी छन् । तर, यो सङ्कटलाई जसरी उनले आफ्नो काँधमा उठाए, उनीप्रति धेरैलाई विश्वास र आदर जागेको हुनुपर्छ । उनी चाँडै निको होऊन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
त्रिविको उत्तरपुस्तिका हराएको सम्बन्धमा छानबिन गर्न उच्चस्तरीय समिति गठन

काठमाडौं । त्रिभुवन विश्वविद्यालयले उत्तरपुस्तिका हराएको घटना छानबिन गर्न तीन सदस्यीय उच्चस्तरीय समिति

एमाले र कांग्रेसको समीकरण बन्न सक्दैनः अध्यक्ष ओली

झापा । नेकपा (एमाले)का अध्यक्ष केपी शर्मा ओलीले अहिले बनेको सत्ता समीकरण स्वार्थसिद्धिका

बागमतीमा ४ दलबीच ५ बुँदे सहमति, हानेपाबाट बज्राचार्य बने मन्त्री

हेटौंडा । बागमती प्रदेशका नवनियुक्त मन्त्री शैलेन्द्रमान बज्राचार्यले पद तथा गोपनियताको शपथ लिएका

यस्ता छन् मन्त्रिपरिषद बैठकका निर्णय

काठमाडौं । सरकारले नेपाल पर्यटन बोर्डको कार्यकारी समितिमा तीन सदस्य नियुक्त गरेको छ