थप ५९ जनामा कोरोना संक्रमण, ६० जना संक्रमणमुक्त
काठमाडौं । नेपालमा थप ५९ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा थप ५९ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २७४८६९ पुगेको छ ।
त्यस्तै मंगलबार थप ६० जना संक्रमणमुक्त भएका छन् । योसँगै कोरोना संक्रमणमुक्त हुनेको संख्या २७०९८७ पुगेको छ । कोरोना संक्रमणबाट पछिल्लो २४ घण्टामा थप एक जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ३०१२ पुगेको छ । क्वारेन्टाइनमा ५६ जना छन् भने आइसोलेसनमा ८७० जना सक्रिय संक्रमित रहेका मन्त्रालयले जनाएको छ ।
