मैलुङ खोला जलविद्युतको आईपीओ बाँडफाँट
काठमाडौं । मैलुङ खोला जलविद्युत कम्पनीको आईपीओ बाँडफाँट भएको छ । कम्पनीको सेयर निश्काशन तथा बिक्री प्रवन्धक सिद्धार्थ क्यापिटलले मंगलबार आईपीओ बाँडफाँट गरेको हो । कम्पनीको आईपीओका लागि २० लाख ६७ हजार ९६७ जनाले आवेदन दिएका थिए ।
जसमध्ये २ हजार ८४३ जनाको आवेदन रद्द भएको छ । स्वीकृत आवेदनमध्ये ६८ हजार ४७४ जनालाई १० कित्ताका दरले शेयर बाँडफाँट गरिएको छ । कम्पनीले कुल सात लाख ३६ हजार २८६ कित्ता आईपीओ जारी गरेको थियो । साउन १४ उक्त बिक्री खुला भएको आईपीओ सर्वसाधरणका लागि ६ लाख ८४ हजार ७४६ कित्ता छुट्याइएको थियो ।
प्रतिकित्ता एक सय रुपैयाँ अङ्कति कुल सात करोड ३६ लाख २८ हजार ६०० रुपैयाँ बराबरको सात लाख ३६ हजार २८६ कित्ता आईपिओ निष्कासनका लागि असार २३ गते धितो पत्र बोर्डबाट अनुमति पाएको थियो ।
