तोलामा दुई सय रुपैयाँले घट्यो सुनको मूल्य

काठमाडौं । सुनको मूल्य तोलामा दुई सय रुपैयाँले घटेको छ । छापावाला सुन तोलामा ९० हजार ४०० रुपैयाँमा कारोवार भएको छ । छापावाला सुन आइतबार तोलामा ९० हजार ६०० रुपैयाँमा कारोवार भएको थियो ।

नेपाल सुनचाँदी व्यवसायी महासङ्घका अनुसार तेजाबी सुन पनि तोलामा २०० रुपैयाँले घटेको छ । ९० हजार १५० रुपैयाँमा आइतबार कारोवार भएको तेजाबी सुन सोमबार ८९ हजार ९५० रुपैयाँ मूल्य निर्धारण भएको छ ।

त्यस्तै चाँदी तोलामा पाँच रुपैयाँले बढेको छ । एक हजार ३१० रुपैयाँमा आइतबार कारोवार भएको चाँदी सोमबार तोलामा एक हजार ३१५ रुपैयाँ मूल्य निर्धारण भएको छ ।