तोलामा ६ सय रुपैयाँले बढ्यो सुनको मूल्य

काठमाडौं । लगातार ओरालो लागेको सुनको मूल्यमा मंगलबार भने सामान्य वृद्धि भएको छ । प्रतितोला ९२ हजार २०० रुपैयाँमा सोमबार कारोवार भएको छापावाला सुन मंगलबार भने तोलामा ६०० रुपैयाँले वृद्धि भई ९२ हजार ८०० रुपैयाँ पुगेको छ ।

यस्तै तेजाबी सुन प्रतितोला ९२ हजार ३०० रुपैयाँमा कारोवार हुने गरी मूल्य निर्धारण भएको छ । तोलामा ९१ हजार ७०० रुपैयाँमा तेजाबी सुन सोमबार कारोवार भएको थियो । यस्तै चाँदीमा आज तोलामा २० रुपैयाँले वृद्धि भएको छ । एक हजार २३० रुपैयाँमा सोमबार कारोवार भएको चाँदी आज एक हजार २५० रुपैयाँ मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।