नेपाल उद्योग वाणिज्य महासंघको निर्वाचन स्थगित
काठमाडौँ । नेपाल उद्योग वाणिज्य महासंघको साउन २५ र २६ गते हुने भनिएको निर्वाचन स्थगित भएको छ । बिहीबार बसेको पदाधिकारी बैठकले निर्वाचन स्थगित गर्ने निर्णय गरेको हो । लकडाउन खुला गरे पनि सरकारले सभा, सम्मेलन नगर्न भनेकाले निर्वाचन स्थगित गरिएको महासंघकी अध्यक्ष भवानी राणाले जानकारी दिइन् ।
महासंघको वरिष्ठ अध्यक्ष स्वतः अध्यक्ष हुने व्यवस्थाअनुसार अबको नेतृत्व हालका वरिष्ठ उपाध्यक्ष शेखर गोल्छाले लिदैछन् । वरिष्ठ उपाध्यक्षका लागि चन्द ढकाल र किशोर प्रधानले उम्मेदवारी घोषणा गरिसकेका छन् । उनीहरुसहित विभिन्न पदका लागि चैत्र २८ र २९ गते निर्वाचन हुनुपर्ने थियो । तर चैत्र ११ गतेबाट सरकारले लकडाउनको घोषणा गरेपछि निर्वाचन स्थगित भएको थियो ।
