निजी उद्योग व्यवसायलाई नियमन गर्न अख्तियार आवश्यक छैनः प्रधानमन्त्री
काठमाडौं । प्रधानमन्त्री केपी शर्मा ओलीले निजी उद्योग व्यवसायहरुलाई नियमन गर्ने बिभिन्न निकायहरु रहेको हुँदा यस क्षेत्रको अनियमितता र भ्रष्टाचार हेर्न अख्तियार दुरुपयोग अनुसन्धान आयोग हाल आवश्यक नरहेको बताएका छन् ।
नेपाल उद्योग परिसंघको काठमाण्डौंमा जारी १७औं बार्षिक साधारणसभालाई भर्च्युअल माध्यमबाट सम्बोधन गर्दै प्रधानमन्त्री ओलीले महामारीबाट उत्पन्न समस्या साझा भएको र यसको समाधान पनि साझा प्रयासबाट सम्भव हुने बताएका हुन् ।
प्रधानमन्त्री ओलीले कोभिड १९ का कारण बैदेशिक रोजगारीबाट फर्केका लाखौं युवायुवतीहरुका लागि रोजगारीका अवसर सृजना गर्नुपर्ने आवश्यकता पैदा भएको बताए ।
उनले कोरोना भाइरस महामारीका कारण अर्थतन्त्र स्वास्थ्य शिक्षा लगायत राष्ट्रिय जीवनका बिभिन्न पक्षमा परेका प्रभावहरु कम गर्न सरकार प्रयासरत रहेको पनि उल्लेख गरे ।
